مروان: إيه يا عم أنا اسمي نزل في التطعيم بتاع كورونا وهنزل آخد المصل بعد بكره

الصديق: إوعى تنزل يااسطى.. إنت مش شايف شريف.

يشير إلى القرد

مروان: دا قرد

القرد: ما تغلطش وتقول قرد بدل ما أبوظ وشك.. يا جعر يا مقشف يا بكس

مروان: دا بيتكلم.. دا صوت شريف.. إيه اللي حصل لك؟

القرد: أخدني واحد لاسع ابن مجنونة قاللي إننا هنغير العالم بالاكتشاف ده.. هجيب كورونا في شوال.. هديك المصل السحري.

مروان: إنت عبيط علشان تعمل كده .. أخدك عافية

القرد: بس يا دهول .. الموضوع إنه قاللي خد .. خمس تلاف علشان .. أخدت الحقنة

مروان: ابن لعيبة ده راجل صايع

القرد: جسمي نمل زي ما اكون مصطبح والجمجمة هتطلع من مكانها.. أغمى عليا.. لقيت نفسي قرد وجنبي سوداني وموز ولب

مروان: المهم خلي الدكتور يرجعك

القرد: هرب الجبان .. بس أنا بشبه عليه حاسس إني شوفته قبل كده

مروان: خلاص إنت فشلت كإنسان، جرب يمكن تنجح كقرد وتُرزق… ننزل نسرح بيك ونشربك سجاير.. ونلبسك كلوت أحمر وتبقى عظمة

… يدخل شاب

شاب: إيه يا مروان الواد اللي أبوك أكله المصل وحوله قرد عامل إيه؟

… القرد يقوم يجري وراهم

مروان: خلاص يا شريف اعقل.. طيب نتفاهم .. بابا هيتصرف